Qëndrat amerikane për Parandalimin dhe Kontrollin e Sëmundjeve kanë përgjysmuar kohën e izolimit, nga dhjetë ditë në pesë, për personat që janë të infektuar me koronavirus, por nuk shfaqin simptoma.
Vendimi vjen në kushtet kur qarkullimi i variantit Omicron ka shkaktuar mungesa në stafin e kompanive dhe pezullim të udhëtimeve.
Nga dita e premte janë anuluar më shumë se 8,000 fluturime, ndërsa më të goditurat rezultojnë kompanitë kineze dhe ato amerikane.
Ndërkohë, Franca ka njoftuar kufizime më të rrepta nga data 3 janar. Puna në distancë do të bëhet e detyrueshme kur është e mundur dhe nuk do të lejohet grumbullimi i më shumë se 2 mijë personave në ambiente të mbyllura.
Masat përshijnë edhe mbajtjen e maskës, mbylljen e klubeve të natës, si dhe qarkullimin me pasaportë shëndetësore thuajse në ccdo aktivitet. Ndërsa doza përforcuese do të mund të merret tre muaj pas injekisonit të dytë kundër covid 19.
Kufizime shtesë u njoftuan edhe në Gjermani e Greqi ndërsa Mbretëria e Bashkuar, i ka përjashtuar ashpërsimet e mëtejshme të masave përpara vitit të ri.
