Veliaj mbështet krerët e UÇK, propozon shpalljen “qytetar nderi” të katër udhëheqësve 

Kryebashkiaku i Tiranës Erion Veliaj, njoftoi se do t’i propozojë Këshillit Bashkiak shpalljen “Qytetar Nderi” të Hashim Thaçit, Kadri Veselit, Jakup Krasniqit dhe Rexhep Selimit.

Në reagimin e tij nga paraburgimi, Veliaj u shpreh  i tronditur nga vendimi i dhënë në Hagë, ndërsa nënvizoi se procesi juridik duhet të ndjekë rrugën e vet, por ne kemi edhe përgjegjësinë për të kujtuar.

Sipas tij, nderimi nuk synon të ndikojë drejtësinë, por të vlerësojë kontributin historik të ish -drejtuesve të UÇK në çlirimin dhe formimin e shtetit të Kosovës.

Veliaj u bëri thirrje edhe bashkive të tjera të ndërmarin të njëjtën nismë, duke thënë se Shqipëria nuk duhet të harrojë sakrificat e Kosovës dhe të atyre që luftuan për lirinë e saj.