Shënohet viktima e 44-ërt me koronavirus në Shqipëri.

Përfaqësuesja e Ministrisë së Shëndetësisë, Genta Qirjako deklaroi gjatë përditësimit të shifrave se një 62-vjeçar i shtruar në Spitalin Infektiv ka humbur betejën me COVID-19.

“Në 24 orët e fundit një humbje jete është shënuar në spitalin infektiv. Një 62 vjeçar nga Tirana i shtruar në gjendje të rëndë, i intubuar, nuk arriti dot të mbijetojë me gjithë përpjekjet e stafit mjekësor të spitalit infektiv. Ministria e Shëndetësisë i shpreh ngushëllimet familjarëve të të ndjerit.”

Nuk ka informacione nëse ai vuante edhe nga sëmundje të tjera.

Nga ana tjetër, në Infektiv, përveç pacientëve që humbin jetën, po shtohen edhe personat që kanë nevojë për kujdes spitalor. Numri i pacientëve të shtruar ka shkuar në 78, nga ku 10 janë në terapi intensive dhe një i intubuar.

Leave a Reply

Your email address will not be published.