Vdes nga koronavirusi ish-futbollisti shqiptar nga Kosova
Ish-futbollisti i FC Ballkanit, në Kosovë Skënder Kuqi, ndërron jetë për shkak të koronavirusit.
Lajmi është bërë i ditur nga klubi i futbollit FC Ballkani me anë të një statusi në Facebook.
Ish-futbollisti shqiptar nga Kosova, ishte infektuar me koronavirus më 24 korrik, më pas ishte shtruar për trajtim mjekësor në Spitalin e Përgjithshëm të Prizrenit.
KF Ballkani i ka shprehur ngushëllime familjes dhe e ka përkujtuar atë me respekt për kontributin e tij në zhvillimin e sportit në Therandë.
Më poshtë statusi i kubit
E nderuara familje Kuqi!
Me dhembje morëm lajmin për ndarjen nga jeta të ish futbollistit të FC Ballkani, z. Skender Kuqi.
Skender Kuqi, do të përkujtohet përherë me respekt nga qytetarët e Suharekës për kontributin e tij ndër vite në lëmin e sportit.
Në emër të klubit, ju lutem pranoni ngushëllimet për ndarjen nga jeta të më të dashurit tuaj.
