Studentët në shumë universitete të Iranit organizuan protesta sot, për të shënuar fillimin e semestrit të ri, duke u përplasur në disa raste me grupe pro-qeveritare, sipas mediave lokale dhe postimeve në rrjetet sociale.
Një video, e cituar nga Agjencia Franceze e Lajmeve (AFP), tregon studentë në Universitetin Teknologjik Sharif në Teheran që kritikojnë udhëheqësin suprem fetar, ajatollah Ali Khamenei, duke e quajtur “udhëheqës vrasës” dhe duke kërkuar rikthimin në fron të Reza Pahlavi, aktivistit politik në mërgim.
Mediat pranë qeverisë, si SNN, raportuan për përplasje ku protestuesit, sipas tyre, sulmuan vullnetarët e forcave paramilitare Basij, duke hedhur gurë. Basij shpesh mbështesin forcat e sigurisë në shtypjen e protestave.
Anti-regime protests have flared up again in Tehran.
Crowds are gathering in central areas, setting up barricades and chanting the name of Crown Prince @PahlaviReza. pic.twitter.com/ryNqfETaOV
— ME24 – Middle East 24 (@MiddleEast_24) February 21, 2026
Protesta u zhvilluan gjithashtu në universitetet Beheshti dhe Amir Kabir të Teheranit, si dhe në Universitetin e Mashhadit në veri-lindje të vendit, sipas organizatës për të drejtat e njeriut HAALVSH. Në qytetin Abdanan në perëndim, protestuesit brohoritën “Vdekje për Khamenei” dhe “Vdekje për diktatorin”, duke reaguar ndaj arrestimit të një profesori, raportuan organizata si Hengaë.
Këto protesta ndodhin ndërsa Shtetet e Bashkuara kërcënojnë me goditje ndaj Iranit, megjithëse kanë rifilluar bisedimet indirekte me Teheranin.
