Një tjetër banore e zonës ka folur për mediat lidhur me ngjarjen e rëndë që tronditi këtë të premte Vlorën, ku një 34-vjeçare u hodh nga kati i pestë i një pallati së bashku me djalin e saj 1 vjeç.
Në dëshminë e saj, gruaja, banore e zonës, ka treguar komunikimin që ka patur ditën e djeshme me të ëmën e 34-vjeçares, e cila i rrëfeu se e bija vuante nga probleme të shëndetit mendor.
Ajo rrëfeu se viktima ishte e divorcuar prej rreth 7-muajsh, dhe jetonte në Tiranë.
“Jetonin në Tiranë të gjithë. Doli doktor Vironi në pension dhe ikën në tiranë. Ishte e martuar, kishte 7-8 muaj e ndarë. Kishte një djalë. I kishte thënë të ëmës dje që dua të vete në Vlorë. Erdhën këtu, takova dhe unë të ëmën dje dhe më tha kam Pamelën sëmurë. “Çfarë ka”, e pyeta unë. “Krizë nervore”, më tha. Sot erdhi më trokiti dhe më pyeti nëse e kisha parë Pamelën me djalin. Dje erdhi në Vlorë, kishte rreth 1 muaj që kishte probleme mendore. Ata po e kërkonin, ajo kishte dalë më përpara.”
