Një fëmijë 3 vjeç ka humbur jetën si pasojë e mjekimit të pakujdesshëm nga ana e mjekëve. I mituri ishte dërguar në një klinikë private në afërsi të Rrugës së Kavajës, pasi kishte probleme me një dhëmballë. Familjarëve u është kërkuar një grafi dhe më pas mjekët u kanë thënë se vogëlushi ka probleme me 14 dhëmbë dhe duhet t’i nënshtrohet një ndërhyrjeje kirurgjikale.
Për shkak të numrit të madh të dhëmbëve, ndërhyrja është vendosur nga mjekët që të realizohet me narkozë. Kjo procedurë është bërë nga mjeku Roland Xhaxho, ndërsa operacioni është bërë nga e bija e tij, Ina Xhaxho, me profesion dentiste.Sipas familjarëve, mjeku u ka thënë që të shkojnë në shtëpi, pasi fëmija është ende në gjumë dhe do të zgjohet më vonë. Në banesën gjyshi i fëmijës tha se nipi i tij u përkeqësua dhe e dërguan me urgjëncë në QSUT. Ai apelon për drejtësi në të kundërtën paralajmeron vetëgjyqësi.
“Nuk u përmend. Djali u bë akull u zverdh. Nuk na e hapi fare telefononin që të merrnim një informacion për të. Doktoratë e çuan në intubim se është në djali na thanë në gjendje të rëndë. Vazhduan duke hequr narkozën. Ditën e dytë na erdhën të gjithë mjekët thirrën edhe Roland Xhaxhon. Vajza e tij është dentiste, kurse ky është mjeku që jep narkozën. Në prezencë të tyre u thash mjekëve se shkaktar për këtë gjendje të djalit është ky. Djali im nuk kishte probleme. Ata e kanë marrë doktorët spitalit, kanë ndenjur aty kanë filluar problemet. Ne kemi bërë denoncimin do ta ndjekim hap pas hapi. Në rast se shteti nuk jep vendimin e duhur ne jemi në gjendje të marrim vetë masat. Na ka vrarë djalin, jo që e vrau por u tregu një kriminel se kërkoi të fshihte ngjarjen. Mjekët na kanë dhënë këtë informacion se shkak është narkoza e tepërt. Ky ishte veprimi që bënë të gjithë mjekët. O burra thanë të heqim narkozën e tepërt”, tha gjyshi i 3-vjeçarit.
3-vjeçari ka qëndruar 3 ditë në koma në spital dhe më pas ka ndërruar jetë. Ngjarja nuk është raportuar nga policia, por reagimi i tyre erdhi pikërisht këtë të enjte pas publikimit të lajmin në media, konkretisht tre ditë pas ngjarjes së rëndë.
Mjekët babë e bijë, Roland dhe Ina Xhaxho, po hetohen në gjendje të lirë për veprën penale “mjekim i pakujdesshëm”. Dyshohet se i mituri ka ndërruar jetë si pasojë e mbidozës nga narkoza. Ndërkohë prokuroria është në pritje të autopsisë së vogëlushit.
