Vasilika Hysi nuk do të garojë për deputete në zgjedhjet parlamentare të 25 prillit.
Pasi njoftoi tërheqjen e Hysit, kryeministri Edi Rama tha se është i emocionuar nga ky vendim. Ai shtoi se Hysi do t’i ”hapë rrugë kalamajve”, duke iu referuar të rinjve që do të angazhohen në zgjedhjet e 25 prillit.
“Sot jam i emocionuar pasi Vasilika, më ka bërë me dije se ka vendosur t’ju hapë rrugën kalamajve. Kështu që me të gjithë konsideratën, me atë që kemi bërë në reformën në Drejtësi ti ke një rol kyc. Po ta kaloj fjalën, mund ta heqësh maskën se unë jam i vaksinuar.”
Sakaq, Hysi bëri një përmbledhje për rrugëtimin e saj në politikë.
“Ndihem e privilegjuar që ju më keni besuar dhe respektuar, kam ardhur në politikë pa pasur angazhim në politikë. Keni mbështetur gra dhe vajza. Në çdo zgjedhje kemi pasur një armatë shumë të mirë, për një arsye, kanë qënë tre studentë të shkëlqyer. Për Reformën në Drejtësi ne merrnin urime nga ana e qytetatëve, nga kushdo që na shikonte ne rrugë. Ne merrnim mbështetje nga partia, kam mirënjohje për të gjithë njerëzit e thjeshtë që na kanë mbështetur, që nuk kanë kursyer dhe shuplakat dhe që na kanë thënë jeni burrnesha, vazhdoni kështu.”
