Pas konfirmimit të Ministrisë së Shëndetësisë për prezencë të variantit Delta në Shqipëri, vjen reagimi i Ogerta Manastirliut.
Përmes një statusi në rrjetet sociale, Manastirliu nënvizoi se tanimë kërkohet respektim rigoroz i masave parandaluese, si dhe izolim i menjëhershëm në rast dyshimi dhe konfirmimi i virusit COVID-19.
Ajo apelon qytetarët që të vaksinohen, pasi, sipas saj është e vetmja “armë” për të frenuar përhapjen e virusit.
“Konfirmimi i prezencës së variantit Delta në Shqipëri nga laboratori i referencës Charite në Berlin, kërkon nga të gjithë respektim rigoroz të masave parandaluese, izolim të menjëhershëm në rast dyshimi dhe konfirmimi të virusit #Covid19 dhe mbi të gjitha VAKSINIM • VAKSINIM • VAKSINIM, si arma më e fuqishme për të frenuar përhapjen e virusit dhe për të shpëtuar jetë!”
