Mungesa e përgjigjeve në kohë ndaj kërkesave të qytetarëve për zgjidhjen e problemeve kryesisht për çështje të pronësisë i ka kushtuar shtrenjtë disa dhjetëra nëpunësve të hipotekave dhe zyrave të ALUIZNI-t.

 

Ministrja e Drejtësisë Gjonaj, bëri me dije shkarkimin e tyre nga puna.

 

Por jo vetëm kaq, drejtuesja e Ministrisë së Drejtësisë lajmëroi edhe masat administrative për punonjës të tjerë, të cilët janë paralajmëruar për largim nga puna.

 

Sipas raportit 5-mujor të platformës së bashkëqeverisjes me qytetaret, “Shqipëria qe duam”, kanë qenë mbi 5500 ankesa të qytetarëve për shërbimet në nivel qendror dhe lokal, pjesa më e madhe të cilave janë zgjidhur. Por raporti bënte me dije se institucioni që ka pasur më shume ankesa është Ministria e Drejtësisë, me rreth 1440 te tilla.

Leave a Reply

Your email address will not be published. Required fields are marked *