Të dhëna të fuqishme tregojnë se programi i vaksinimit në Mbretëri të Bashkuar është duke zbehur lidhjen në mes rasteve të infektimit me koronavirus dhe vdekjeve, kanë thënë shkencëtarët që kanë vëzhguar pandeminë.
Një studim ka zbuluar se shkalla e infektimit ka rënë prej muajit shkurt, para se të riniste rritja.
Kjo e dhënë është edhe për faktin se njerëzit kanë nisur të qëndrojnë më shumë së bashku, mirëpo numri i vdekjeve nuk ka ndjekur ritmin e njëjtë.
Një gjë e tillë nuk ishte vërejtur para muajit janar, kur sapo kishte nisur procesi i vaksinimit.
Hulumtimi, i kërkuar nga Qeveria britanike dhe i udhëhequr nga Kolegji Imperial i Londrës, është i bazuar në mostrat e marra në 140,000 persona, të cilët përfaqësojnë popullsinë e Britanisë së Madhe.
Në mesin e atyre personave, të cilët janë testuar për koronavirus në periudhën 11-30 mars, 227 kanë rezultuar pozitivë, apo një në 500 persona.
Te personat e moshave mbi 65-vjeçare, shkalla e infektimit ka qenë përgjysmë më e vogël, pasi 1 në 1,000 persona ka dalë pozitiv.
Sipas shkencëtarëve, uljet janë rezultat i vaksinimit.
Deri më tani, autoritetet britanike kanë vaksinuar plotësisht më shumë se 5.6 milionë persona, derisa 31.7 milionë të tjerë, kanë marrë dozën e parë të vaksinës kundër koronavirusit./ REL
