Vajza me HIV shpallet “Miss Congo UK 2017”

Horcelie Sinda wa Mbongo është shpallur Miss Congo Uk 2017, garë e cila kishte për synim të jepte çmimin e madh në nder të afrikanëve që vuajnë nga HIV. Horcelie është nga Republika Demokratike e Kongos dhe ishte vetëm 11 vjeç kur zbuloi se kishte lindur me HIV pozitiv.

“Jam e lumtur që kam fituar të paktën diçka në jetën time. Historia ime ka prekur zemrat e njerëzve dhe kjo është dicka shumë e rëndësishme”, – tha 22-vjeçarja për BBC.

HIV/AIDS është një rrezik i madh për shëndetin publik dhe ka shkaktuar shumë vdekje në Afrikë. Miss-i ka thënë se në planet e saj të ardhshme, përfshihet bamirësia për personat e prekur me HIV/AIDS. Ajo po përgatitet të kalojë një vit në Congo, që të ndihmojë të tjerët për tu përballur me sëmundjen.