E diel, 22 Nëntor 2026 Lajmet e Fundit dhe Moti deri në 23:54 Në vijim ora 23:54: Parajsa Reklamo Kontakt Karriera
Vizion Plus
Vendi

Ndryshime në drejtimin e Policisë së Shtetit, emërime të reja në disa qarqe

Drejtoria e Përgjithshme e Policisë së Shtetit ka bërë disa ndryshime në drejtimin e strukturave vendore dhe komisariateve të policisë.

Dritan Lena, deri tani me detyrë Shef i Sektorit të Planifikimit Operacional në Drejtorinë e Forcës Kombëtare të Sigurisë, me urdhër të Drejtorit të Përgjithshëm të Policisë së Shtetit, është transferuar dhe emëruar Drejtor i Drejtorisë Vendore të Policisë Berat.

Ndryshime janë bërë edhe në drejtimin e disa komisariateve.

Kryekomisar Saimir Shkambaj, deri tani Shef i Komisariatit të Policisë Tropojë, është transferuar dhe emëruar Shef i Komisariatit të Policisë Sarandë.

Reklamë

Komisar Feliks Hoda, i cili drejtonte Komisariatin e Policisë Sarandë, është transferuar dhe emëruar Shef i Komisariatit të Policisë Dibër.

Ndërkohë, Komisar Andi Kano, me detyrë Shef i Hetimit të Krimeve në Komisariatin e Policisë Tropojë, është komanduar në detyrën e Shefit të Komisariatit të Policisë Tropojë.

Ndryshimet prekin kështu drejtimin e strukturave të Policisë së Shtetit në Berat, Sarandë, Dibër dhe Tropojë.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.