Një sasi rekord prej 4.4 ton kokainë eshte sekuestruar nga autoritetet e Uruguait. Sasia e madhe e lëndës narkotike u zbulua a gjatë një operacioni mes ushtrise dhe autoriteteve doganiore në portin e Montevideos.
Sipas mediave vendase, kokaina me vlerë më shumë se 1 miliardë dollar, ishte e paketuar dhe e vendosur në një kontenier që po transportonte ngarkesen me miell soje.
Dyshohet se dërgesa e madhe e lëndës narkotike kishte si destinacion Togon në Afrikën perëndimore.
Marina e Uruguait në një deklaratë e përshkroi operacionin si “goditjen më të madhe për trafikun e drogës në historinë e vendit”.Ende nuk dihet se kush mund të fshihet pas sasisë rekord të lëndës narkotike.
Por AFP, raporton se autoritetet kanë marrë në pyetje pronarin e kompanisë që prodhon miellin e sojës, por edhe shoferë kamionësh të cilët merren me transportin e saj.
Uruguai është kthyer në qendrën e baronëve të drogës për kalimin e lëndëve narkotike nga Amerika e Jugut drejt Afrikës dhe Evropës.Gushtin e vitit të kaluar 4,5 ton kokainë nga Uruguai u kapën në portin e Hamburgut, vlera e së cilës i kalonte 1.1 miliardë dollarë.
