Vendimi i presidentit amerikan Donald Trump për të “ngrirë” tarifat që ai kishte vendosur ndaj shumicës së partnerëve tregtarë amerikanë është një hap i rëndësishëm drejt stabilizimit të ekonomisë globale, tha sot presidentja e Komisionit Evropian Ursula von der Leyen.
“Kushtet e qarta dhe të parashikueshme janë thelbësore për funksionimin e zinxhirëve të tregtisë dhe furnizimit,” komentoi von der Leyen në një postim në X, duke nënvizuar se BE-ja mbetet e përkushtuar ndaj negociatave konstruktive me SHBA- në me synimin për të arritur “tregti reciproke të dobishme”.
Lexo edhe :
Related Posts
Siç tha kryetarja e Komisionit, tarifat janë taksa që dëmtojnë vetëm bizneset dhe konsumatorët.
“Kjo është arsyeja pse unë jam fuqimisht në favor të një marrëveshjeje me tarifa zero midis BE-së dhe SHBA-së”, theksoi ajo.
I welcome President Trump’s announcement to pause reciprocal tariffs. It’s an important step towards stabilizing the global economy.
Clear, predictable conditions are essential for trade and supply chains to function.
Tariffs are taxes that only hurt businesses and consumers.…
— Ursula von der Leyen (@vonderleyen) April 10, 2025
“Në të njëjtën kohë, Evropa vazhdon të fokusohet në diversifikimin e partneriteteve të saj tregtare, duke tregtuar me vendet që përfaqësojnë 87% të tregtisë globale dhe që ndajnë angazhimin tonë për një shkëmbim të lirë dhe të hapur të produkteve, shërbimeve dhe ideve,” vazhdoi ajo.
Sipas zonjës von der Leyen, Evropa po rrit gjithashtu përpjekjet për të hequr pengesat ndaj tregut të vetëm.
“Kjo krizë e ka bërë të qartë një gjë: në kohë të pasigurta, tregu i vetëm është spiranca jonë e stabilitetit dhe elasticitetit”.
Javën e kaluar Trump njoftoi vendosjen e tarifave shtesë prej 20% për importet e produkteve nga BE.
Në një kthesë dramatike të ngjarjeve, presidenti amerikan tha dje se do të pezullojë zbatimin e tarifave shtesë “hakmarrëse” ndaj partnerëve tregtarë amerikanë, me përjashtim të Kinës, për 90 ditë.
Megjithatë, njoftimi i Trump nuk adreson tarifat që administrata e tij ka vendosur tashmë për importet e makinave, aluminit dhe çelikut. Vendet anëtare të BE-së miratuan dje kundërmasat e para ndaj këtyre tarifave, të cilat do të hyjnë në fuqi javën e ardhshme./vizionplus.tv
