Nga Pranvera Borakaj
Urime të gjithë besimtarëve mysliman dhe të gjithë qytetarëve shqiptarë që sot festojnë Fitër Bajramin!
Le të shërbejë kjo ditë për të uruar më të mirën për vendin tonë. Le të lutemi në këtë ditë të rëndësishme të besimit mysliman për një jetë që theksin e ka te dashuria, te familja, te mirësia, solidariteti me atë që s’ka apo s’mundet, duke lënë mënjanë urrejtjen, grykësinë, korrupsionin, hajdutërinë, cinizmin, arrogancën agresivitetin që janë shprehi jo të rralla mes nesh.
Të largojë politikanët, drejtuesit politikë nga urimet klishe, e t’i bëjë ata qytetarë e njerëz më të përulur përballë elektoratit, më të devotshëm për të kryer me dinjitet dhe dashuri detyrën e tyre dhe jo të pa ngopur deri në marrëzi për të përfituar nga pasuria e shqiptarëve.
Le të shërbejë kjo ditë si një moment reflektimi për të gjithë ata që abuzojnë me pushtetin, për t’i treguar se secili prej nesh është kalimtar në këtë botë, askush nuk merr asgjë me vete, përveç gjykimit a ndëshkimit, që disa e konsiderojnë nga karma, ca të tjerë nga Jezusi, Allahu apo qoftë edhe vetëm Zoti. Ndaj shfrytëzoni pushtetin tuaj për të bërë mirë, dhe i udhëhequr nga lakmia për të bërë sa më shumë për vete.
Le të shërbejë kjo ditë si një moment reflektimi për të gjithë ata që abuzojnë me pushtetin, për t’i treguar se secili prej nesh është kalimtar në këtë botë, askush nuk merr asgjë me vete, përveç gjykimit a ndëshkimit, që disa e konsiderojnë nga karma, ca të tjerë nga Jezusi, Allahu apo qoftë edhe vetëm zoti. Ndaj shfrytëzoni pushtetin tuaj për të bërë mirë, dhe i udhëhequr nga lakmia për të bërë sa më shumë për vete.
Le të shërbejë kjo ditë për të gjithë ne, për ta dashur më shumë njëri-tjetrin por edhe vendin tonë. Për të hequr dorë nga sloganet se kështu thotë BE dhe SHBA, ne duam një Shqipëri më të mirë për shqiptarët, ata janë zot të kësaj toke.
Ditë të tilla festë ku pesha emocionale është kaq e fortë shërbejnë si një moment reflektimi ku shëndeti duhet të jetë shumë i rëndësishëm, dhe pasuria më e madhe e njeriut, arsimi duhet të jetë buka e përditshme e familja strofa ku shpirti gjen qetësi.
Në një botë të hapur, në një shoqëri globaliste vrapi për të mbijetuar shpesh na bën të humbasim fokusin dhe mos t’i japim vlerë thesareve të vërtet. Ndaj kjo ditë duhet të jetë këmbanë alarmi edhe për përfaqësuesit fetarë që më shumë se euforia për tolerancën fetare të predikojnë jetën dinjitoze, ku më shumë se sakrifica për bukë e ujë, duhet të jetë përkushtimi për një jetë pa vesë, ku puna e ndershme, paraja me djersë, shoqëria e shëndoshë e shtëpia e gëzuar duhet të jenë bibla e Kurani i çdo besimtari.
