Kasem Lala dhe Besim Bregu, dy personat për të cilët Prokuroria e Posaçme Antikorrupsion lëshoi urdhër arresti për dosjen “339”, kanë ndërruar jetë para një muaji.

Gjatë momentit të ekzekutimit të urdhër arrestit, policia konstatoi se dy komisioerët nuk jetonin më. Por ndonëse kishin ndërruar jetë, ata nuk ishin çrregjistruar në gjendjen civile nga ana e familjarëve të tyre.

Në lidhje me këtë fakt oficerët e policisë gjyqësore kanë vendosur në dijeni SPAK,  i cili pritet që gjatë ditës së sotme të vendos në dijeni Gjykatën.

Po ashtu, vijon të jetë në kërkim Fisnik Sadiku, i cili nuk ka lidhje me zgjedhjet, por akuzohet për trafikim të lëndëve narkotike dhe përfshirje në grup kriminal. Mësohet se Sadikut do t’i komunikohet masa e arrestit në mungesë. 

Dosja “339” ka 24 të pandehur, mes të cilëve grupin e “Avdylajve” ne Shijak si dhe të akuzuarit e tjerë për laboratorin e drogës në Has. Hetimet per kete dosje kane nisur qe prej vitit 2016, ndersa akuzat janë për “trafik të narkotikëve”, “grup i strukturuar kriminal”, “pastrim parash” dhe “armëmbajtje pa leje”.

Leave a Reply

Your email address will not be published. Required fields are marked *