Krejt ndryshe nga universitetet e tjera të vendit të gjitha tekstet mësimore në Universitetin Fan Noli të Korçës do të kalojnë në filtrin e departamënteve përkatëse para botimit të tyre dhe futjes në procesin mësimor.
Ky është vendimi që ka marrë rektorati në këtë universitet, ndërkohë që është parashikuar se edhe një sasi e mjaftueshme e këtyre teksteve do të jenë në bibliotekat e çdo fakulteti për tu përdorur nga studentët që nuk kanë mundësi ti blejnë.
E njëjta gjë do të ndodhë edhe me tekstet mbështetëse, apo ato tekste të cilat merren nga pedagogë të universiteteve të tjera, të cilat studentët tashmë do i gjejnë pranë bibliotekave.
Rektori prof. dr. Ali Jashari thotë se edhe botimi i të gjitha teksteve mësimore do të kryhet nga vetë universiteti dhe do u shitet studentëve të interesuar vetëm me koston e shtypshkronjës. Ky vendim vjen pas disa prej kërkesave të studentëve gjatë protëstës, çka bën që ata të mos jenë më të detyruar nga pedagogët të blejnë tekstet e tyre.
Në universitetin e Korçës procesi mësimor vijon normalisht në të gjitha fakultetet, ndërkohë që mësohet se nuk kanë munguar takimet e herëpashershme të rektoratit por edhe të bordit të administrimit të universitetit për të normalizuar situatën e krijuar pas protestës por edhe për të marrë vendime lidhur me kërkesat e kryera nga studentët.
