Pak ditë pas shqetësimit të Prokurorisë së Përgjithshme lidhur me mungesën e dispozitave kalimtare, te cilat nuk lejojnë hetimin e zyrtarëve të lartë, ka reaguar dhe unioni i prokurorëve. Në njoftim të shpërndarë për mediat, ky union shprehet se nuk është bere pjese ne asnjë rast te diskutimeve politike rreth dispozitave kushtetuese qe kishin te bënin me sistemin gjyqësor. Sipas deklaratës, Prokuroria e Posaçme parashikohet te ngrihet deri në 8 muaj pas miratimit të Kushtetutës dhe kjo kohë e gjatë do te sjelle nje vakum ligjor qe do te cenoje funksionimin normal te sistemit. Por sipas eksperteve, ato nuk pengojnë proceset dhe dosjet ne hetim. Edhe pse të tilla dispozita nuk duheshin harruar, për juristët ky vakum nuk ndikon në drejtësi, pasi me ngritjen e Prokurorisë së Posaçme gjithçka do të vijojë normalisht. Sokol Hazizaj thotë se mungesa e dispozitave kalimtare mund të ketë ardhur dhe si pasojë e mos bashkëpunimit mes palëve politike. Këtë e pohonte edhe vete Prokuroria e Përgjithshme ne njoftimin e saj, ndonëse ne mënyre jo te drejtpërdrejte. Prokuroria e Përgjithshme pretendon se Kushtetuta e re ka krijuar nje ngërç ne funksionimin normal të saj. Organi i akuzës thekson se duhen zgjidhje te përkohshme deri ne formimin e Prokurorisë se Posaçme, pasi asaj i hiqen te drejta hetimi për zyrtarë të lartë, deputetë, ministra e gjyqtarë.
