Një ndërtesë e shërbimit rus të sigurisë shtetërore FSB në Belgorod u sulmua nga një dron ukrainas të mërkurën në mëngjes, sipas agjencisë së lajmeve TASS duke cituar autoritetet lokale. Sipas TASS, nga sulmi nuk ka pasur viktima, megjithëse ndërtesa është dëmtuar.
Ministria ruse e Mbrojtjes njoftoi se 58 dronë ukrainas u rrëzuan gjatë natës. Sipas deklaratës së ministrisë, dronët u shkatërruan mbi rajonet ruse të Belgorod, Bryansk, Voronezh, Kursk, Ryazan dhe Leningrad. Më herët guvernatori rajonal i Ryazanit kishte njoftuar se një rafineri nafte ishte shënjestruar nga një dron në rajonin e tij, rreth 200 kilometra në juglindje të Moskës, dhe se sulmi kishte shkaktuar lëndime në njerëz dhe një zjarr.
Un dron atacó el edificio del FSB de Bélgorod, hay que llamar a arreglos de fachada ‘Ilich e hijos’. pic.twitter.com/BdJHTtRUIp
— Juanjo Prego (@EsteparioTotal) March 13, 2024
Dhjetëra dronë shënjestruan sot edhe rajone të tjera ruse, kryesisht ato të Belgorodit, Bryansk, Kursk dhe Voronezh, të cilat të gjitha kufizohen me Ukrainën, pa shkaktuar asnjë lëndim, siç njoftuan autoritetet rajonale përkatëse.
Rafineria e naftës Ryazan u sulmua nga një mjet ajror pa pilot. Sipas informacioneve të para, ka të lënduar, ka shkruar në platformën Telegram guvernatori i rajonit Ryazan, Pavel Malkov. Sipas tij, për shkak të sulmit ka shpërthyer një zjarr në këtë rafineri, e cila është një nga prodhuesit më të mëdhenj të karburantit në Rusinë qendrore dhe kontrollohet nga kompania gjigante e naftës Rosneft. /vizionplus.tv
