Thirrjet raciste të tifozëve hungarezë gjatë ndeshjeve të vlefshme për fazën e grupeve të EURO 2020 i kanë kushtuar shtrenjtë ekipit të Hungarisë. Sjellja antisportive e tyre nuk është toleruar nga UEFA, e cila ka vendosur që tri ndeshje të luhen pa tifozë.
Fjala është për tri sfidat e ardhshme ku Hungaria do të presë në shtëpi Anglinë, Anodrran dhe Shqipërinë. Federata Hungareze e Futbollit ka marrë edhe një gjobë prej 100,000 eurosh.
UEFA hapi hetim kundrejt tifozëve hungarezë të cilët në sfidat kundër Portugalisë, Francës dhe Gjermanisë bënë thirrje raciste ndaj lojtarëve në fushë. Po ashtu, ata shpalosën në stadium banderola kundër homoseksualëve, duke bërë bujë në media.
Tri ndeshjet që do të luhen pa tifozë:
Hungari-Angli
Hungari-Andorra
Hungari-Shqipëri
