Uefa “fal” Realin, Juven dhe Barçën/ Pezullohen përkohësisht proçedurat e dënimit të tyre
Uefa ishte shumë pranë dënimit të 3 klubeve europiane Juventus, Barcelona dhe Real Madrid që ende nuk kanë hequr dorë nga krijimi i Superligës. Por mbrëmjen e të mërkurës qeveria e futbollit europian mori një vendim për të pezulluar përkohësisht procedurat me këto klube deri në një njoftim të dyte.
”Pas hapjes së procedurave disiplinore kundër Barcelonës , Juventus dhe Real Madrid për një shkelje të mundshme të kornizës rregullatore të UEFA-s në lidhje me të ashtuquajturën ‘Projekti Super League’, Komisioni i Apelimit i UEFA ka vendosur të pezullojë procedurat deri në një njoftim tjetër. –
Komisioni i Etikës dhe Disiplinës në UEFA hapi procedim ndaj klubeve në fjalë në datën 25 maj. Ato rrezikonin seriozisht pjesëmarrjen në kompeticionet evropiane. Por Komisioni i Apelit vendosi të pezullojë procedurat për shkaqe ende të paqarta.
Ndërkaq, të hënën u bë e ditur se nga Ministria e drejtësisë së Zvicrës se kjo e fundit i kishte dërguar një email UEFA-s dhe FIFA-s ku i informonte se nuk mund t’i vendosnin sanksione 3 klubeve që ende zyrtarisht nuk janë lidhur me projektin e Superligës.
