Ministria e Mbrojtjes ka paditur disa përfaqësues të PD-së, pas akuzave nga kjo parti se Olta Xhacka po shpërdoron detyrën duke përdorur helikopterin e Forcave Ajrore për të shkuar në takimet me strukturat e PS-së në Dibër.
Këto akuza të lëshuara nga selia blu, Xhaçka i ka quajtur shpifje.
Sipas njoftimit zyrtar të Ministrisë, udhëtimet e ministres janë bërë vetëm në bazat ushtarake në vend, një prej të cilave është në Dibër.
Prej disa ditesh, Partia Demokratike përmes videove dhe fotove pretendon se ministrja e Mbrojtjes, në detyrën e drejtueses politike të qarkut Dibër ka udhëtuar drejt kësaj zone me helikopterët e FA-së.
Sipas selisë blu, Xhaçka ka bërë 22 fluturime brenda dy muajve duke i shkaktuar shtetit një dëm prej 100 milionë lekesh.