Këtë të martë Rusia feston Ditën e saj vjetore të Fitores mbi Gjermaninë naziste në Luftën e Dytë Botërore.
Lidhur me këtë ditë historike për Rusinë nuk kanë munguar as urimet nga vendet aleatë.
Udhëheqësi i Koresë së Veriut, Kim Jong Un, përmes një letre drejtuar homologut të tij rus ka shprehur urimet e tij për këtë ditë.
Mediat ndërkombëtare raportojnë se në letrën drejtuar Putin, ushëheqësi i Koresë së Veriut shpreh përshëndetje për popullin rus dhe ushtrinë.
Gjithashtu, në letër evidentohet dhe lufta, të cilës i referohet si luftë për të realizuar drejtësinë ndërkombëtare dhe për të mbrojtur paqen globale” kundër të ashtuquajturave imperialistë.
“Fitorja është traditë e natyrshme e Rusisë dhe lavdia e fitores do të shkëlqejë në histori dhe do të zgjasë përgjithmonë me Rusinë edhe kur të kalojë koha dhe brezat të ndryshojnë”, shkroi Kim.
Udhëheqësi i Koresë së Veriut raportohet se ka shkruar gjithashty që, Rusia do të shkatërrojë të gjitha sfidat dhe kërcënimet e paraqitura nga forcat armiqësore dhe do të mbizotërojë në përpjekjen e saj për të siguruar sovranitetin, dinjitetin dhe stabilitetin rajonal
