Kryeministri Edi Rama ditën e sotme ishte i pranishëm në aktivitetin për Universitetin Bujqësor të Tiranës me synimin që UBT2030 të bëhet antena rajonale e BOKU-t
9 programet që UBT ofron, duke nisur nga ky vit janë sipas modelit BOKU një ofertë e shkëlqyer për të rinjtë që nesër do t’i duhen Shqipërisë në BE
Gjatë fjalës së tij, kreu i qeverisë nuk kurseu ironitë, teksa u shpreh se UBT ka kaluar dy faza, atë kur ishte burim i dijes, dhe tjetra që përkon me rrënimin dhe braktisjen.
Rama: Bëmë një ndërhyrje të rëndë dhe të turpshme nga nevoja për çlirimin universitetit. Ishte marrë që nga qoftet deri tek shitja e të brendshmeve. Ishte dramatike të hyje në klasë, ku duhet të hyje përmes një pazari ndërtimesh të paligjshme dhe aktivitetesh tregtare.
Rama gjithashtu kishte një thirrje edhe për universitetet e tjera në vend, të cilat nëse duan mbështetje nga qeveria, duhet të bëjnë atë që bëri UBT.
“Të gjejnë shokun apo shoqen në Evropë, të sjellin letrat e fejesës dhe ne t’i mbështesim në martesë”, tha kreu i qeverisë.
Kryeministri theksoi se UBT do të bëhet një rrezatim në të gjithë rajonin dhe do të hyjë në listën e universiteteve dinjitoze të Evropës.
Rama: Interes kombëtar, mbështetje pa rezervë e kësaj reforme dhe këtij universiteti. Të gjithë universitetet do e kenë të qartë që nëse duan mbështetje, duhet të bëjnë atë që po bën UBT, të gjejnë shokun apo shoqen në Evropë, të dorëzojnë letrat e fejesës që ne t’i mbështesim në martesë. Historira se kam një program këtu apo ty, mund t’i bëjmë janë autonomë, por nuk kanë mbështetje na qeveria. Do të ndryshojmë komplet qasjen financiare, dhe për sa kohë nuk do të jetë një të dytë, çfarë janë ekstra do t’i vëmë te UBT. Do ta bëjmë UBT një rrezatim në të gjithë rajonin, do ta fusim në listën e universiteteve dinjitoze të Evropës për këto tema dhe do t’i japim Shqipërisë një burim të jashtëzakonshëm dijeje. Të tjerët janë të respektuar, do të marrin pjesën e buxhetit që iu takon, por më shumë nga këto që kemi vënë ekstra, nuk do të marrë askush që nuk do të bëjë të njëjtën gjë. Reformë reale. Universitetet tona nuk mund të vazhdojnë të jenë si shkolla të mesme me vite më shumë mësimi. Duhet të jenë qendra kërkimore, nga ku studentët nuk dalin thjesht njerëz që dinë të përsërisin ato që iu kanë mësuar, por që janë vlerë e shtuar. Kërkimi shkencor që është pika kyçe dhe më e dobët e UBT, do ta mbështesim me gjithçka që kemi mundësi së bashku me BOKU-n./vizionplus.tv
