Është gjetur pas tre ditësh në zonën e San Severino di Centola në Salerno, trupi i 23-vjeçarit shqiptar, i cili dyshohet se u vra gjatë nëj tentative grabitjeje.
Mediat italiane raportojnë se 23-vjeçari shqiptar i cili bashkë me dy bashkëatdhetarë të tij, mund të jetë qëlluar me armë nga 60-vjeçari italian, pronari i banesës ku ata tentuan të kryenin grabitjen mbrëmjen e së dielës.
Sipas mediave ka qenë vetë 60-vjeçari i cili ka treguar vendin ku ndodhej trupi i shqiptarit, i cili ishte fshehur në afërsi të fshatit.
Raportohet se i riu është prekur nga plumbat në momentin që pronari i banesës ka qëlluar ndaj tyre.
Për gjetjen e trupit të të riut u anagzhuan forca të shumta policie, madje edhe komuniteti i shqiptarëve që jetonin në zonë.
Aktualisht është e paqartë se kush hapi zjarr i pari: hajdutët apo pronari, tani nën hetim së bashku me një nga bashkëpunëtorët e tij, i cili ndodhet aktualisht i shtruar në spitalin Cardarelli në Napoli me një plagë plumbi.
