Këtë të dielë një tjetër ngjarje e rëndë është shënuar në Dibër, ku një person ka ngelur i plagosur. Bëhet me dije se në orët e para të mëngjesit persona të paidentifikuar kanë hyrë në banesën e shtetasit Andraman Selishta në fshatin Brezhdan me qëllim për të grabitur.
Sipas informacioneve nën kërcënimin e armës ata kanë arritur të marrin një shumë parash dhe një aparat cellular. Në këtë moment ka ndërhyrë djali i familjes Arseni dhe është përleshur me ta. Gjatë përleshjes mësohet se grabitësit kanë hapur zjarr duke plagosur 29 – vjeçarin me 3 plumba.
I plagosuri është dërguar në spital nën kujdesin e mjektëve dhe ndodhet jashtë rrezikut për jetën.
Ndërkohë policia ka nisur hetimet për zbardhjen e ngjarjes.