Dy të rinj kanë rënë në prangat e policisë në Vlorë pasi u kapën me drogë stimuluese ekstazi dhe kanabis.
Shtetasit e arrestuar janë një 21 vjeçar me inicialet R.V., nga Tirana dhe një 19 vjeçar I identifikuar si E.A., nga fshati Lapardha I Vlorës.
21 vjeçari, sipas policisë u arrestua pasi gjatë kontrollit fizik që iu bë në një lokal të Himarës iu gjetën në çantën e dorës 82 kokrra drogë stimuluese e llojit ekstazi.
Ndërsa 19 vjeçari u arrestua pasi gjatë kontrollit që policia kreu në banesën e këtij të fundit pas informacioneve të marra në rrugë operative, gjeti dhe sekuestroi 220 gramë kanabis.
Dy të rinjtë akuzohen për veprën penale “Prodhimi dhe shitje e narkotikëve”.