Policia e Vlorës ka arrestuar dy persona, të cilët posedonin kokainë dhe kanabis me qëllim shitjen në Vlorë dhe Sarandë.
Në pranga ranë shtetasit E. A., 18 vjeç, banues në fshatin Çukë, Sarandë dhe A. R., 33 vjeç, banues në Vlorë.
Gjatë kontrollit fizik, shërbimet e Policisë i gjetën shtetasit E. A., disa doza të lëndës së dyshuar narkotike kokainë, që dyshohet se i posedonte me qëllim shitjen në Sarandë, ndërsa shtetasit A. R. i gjetën disa doza të lëndës së dyshuar narkotike kanabis, që dyshohet se i posedonte për t’i shitur në zona të ndryshme të Vlorës.
Të dy akuzohen për veprën penale “Prodhimi dhe shitja e narkotikëve”./vizionplus.tv
