Saimir Tahiri ka mbërritur pasditen e sotme në Burgun e Fierit, ku do të kryej dënimin prej 3 vitesh e 4 muaj.
Ai mbërriti rreth orës 16:00, i shoqëruar nga një patrullë dhe 4 motorë policie. Vendimi është marrë nga Drejtoria e Përgjithshme e Burgjeve e cila vendosi që ta dërgojë Tahirin atje pas intervistës së sigurisë, ku ai tha se nuk kishte ndonjë preferencë.
Tahiri u dënua nga GJKKO me 5 vite burg, por përfitoi ulje të dënimit për shkak të gjykimit të shkurtuar.