Ragip Hajdini, një prej grabitësve të miliona eurove në Rinas ka ndërruar jetë në spitalin e Traumës.
51-vjeçari, i njohur ndryshe edhe si “Daja” nga Kosova ishte shtruar prej katër ditësh te Trauma, pasi vuante nga një sëmundje e rëndë.
Ai u arrestua pas dëshmisë së dëshmitarit Alkond Bengasi që tha se “daja” ishte një person që ishte takuar disa herë me Admir Muratajn. Ky i fundit mbeti i vrarë gjatë ndjekjes nga policia, ditën kur ndodhi grabitja.
Për grabitjen e 9 prillit të vitit 2019 në Rinas u arrestuan Alkond Bengasi, Renaldo Sula, Oltian Veseli, Saimir Çela, Elton Pikli dhe Ragip Hajdini.
