Subscribe

Prokuroria e Posaçme Antikorrupsion ka kërkuar zyrtarisht konfiskimin e pasurive të Redjan Rrajës, të sekuestruara në tetor të vitit 2021.

 

Kërkesa e SPAK është përcjelle tek Gjykata e Posaçme, ku në listën e gjatë të pronave përfshihen apartamente, garazhe dhe automjete.

 

Sipas njoftimit zyrtar, SPAK ka kërkuar që t’i kalojnë shtetit 1 apartament, 2 garazhe, 2 makina, dy pasuri truall, një orë “Rolex” si dhe 2750 euro.

 

Aktualisht Redjan Rraja ndodhet në qeli pasi akuzohet si i përfshirë në atentatin në vitin 2019 ndaj prokurorit Arjan Ndoja. Në këtë sulm me armë mbeti i vrarë shoferi i Ndojës, 30-vjeçari Andi Maloku, ndërsa vetë prokurori u plagos.

Rraja akuzohet për vrasje, armëmbajtje pa leje, pjesëmarrje në grup kriminal etj.

 

Në nëntor të vitit të kaluar Redjan Rraja u izolua në regjimin “41 bis” për një periudhë 1-vjeçare, pasi kishte dyshime se edhe pse pas hekurave, ai kishte lidhje indirekte me persona të botës së krimit që veprojnë të lirë.

 

 

 

PROKURORIA E POSAÇME KUNDËR KORRUPSIONIT DHE KRIMIT TË ORGANIZUAR

 

Njoftim për shtyp

 

Bazuar në parashikimet e Ligji nr. 10192 datë 03.12.2009 “Për  Parandalimin dhe Goditjen e Krimit të  Organizuar dhe Trafikimit Nëpërmjet Masave Parandaluese kundër Pasurisë”, Prokuroria e Posaçme Kundër Korrupsionit dhe Krimit të Organizuar ka regjistruar në datën 22.01.2021 procedimin pasuror nr.2, në ngarkim të shtetasve Redjan Rraja etj.

Në funksion të hetimeve të këtij procedimi pasuror janë kryer shumë veprime hetimore dhe në përfundim të tyre sot në datën 13.10.2022 Prokuroria e Posaçme Kundër Korrupsionit dhe Krimit të Organizuar ju drejtua Gjykatës me kërkesën për konfiskim të pasurive si më poshtë:

  • Pasuria apartament, me sip 76 m2 (Tiranë), regjistruar në emër të shtetasit R. Rraja.
  • Pasuria, me sip 30 m2, njësi (Tiranë), regjistruar në emër të shtetasit R. Rraja.
  • Pasuria njësi me sip 127.5 m2 (Tiranë), e regjistruar në emër të shtetases M. Ç. por që është në zotërim të tërthortë nga shtetasi R. Rraja.
  • Pasuria garazh me sip totale 18.09 m2 (Tiranë), regjistruar në emër të shtetases M. Ç. por që është në zotërim të tërthortë nga shtetasi R. Rraja.
  • Pasuria garazh me sip totale 18.09 m2 (Tiranë), regjistruar në emër të shtetases M. Ç. por që gjendet në zotërim të tërthortë të shtetasit R. Rraja.
  • Automjeti me ngjyrë gri të tipit Audi, A8, sekuestruar shtetases K. K. por që është në zotërim të tërthortë të shtetasit R. Rraja.
  • Automjeti me targë Audi A8, regjistruar në emër të R. Rraja.
  • Një orë dore Roleks.
  • Shuma prej 2750 Euro.

 

Këto pasuri janë sekuestruar me vendimin nr.22 datë 23.10.2021 të Gjykatës së Posaçme e Shkallës së Parë për Korrupsionin dhe Krimin e Organizuar.

 

 

Leave a Reply

Your email address will not be published. Required fields are marked *