Aktori turk Can Yaman, i njohur për rolin e tij në serialin “Sandokan”, është liruar më 11 janar, një ditë pas arrestimit të tij në Stamboll lidhur me një hetim për trafik dhe përdorim të drogës që përfshinte personazhe të famshëm dhe gazetarë.
Yaman, i cili ishte ndaluar gjatë një operacioni policor së bashku me aktoren Selen Gorguzel dhe disa pronarë klubesh, u dërgua fillimisht në Institutin e Mjekësisë Ligjore për t’u testuar për përdorim të drogës.
Lexo edhe :
Hetimi, i udhëhequr nga Byroja e Hetimit për Kontrabandën, Trafikimin e Drogës dhe Krimet Ekonomike, kishte përfshirë kontrolle në nëntë lokale të Stambollit dhe vëzhgim të mbi njëzet personazheve VIP.
Pas lirimit, Can Yaman ka reaguar në Instagram duke i bërë thirrje mediave italiane të mos shpërndajnë lajme të pasakta që vijnë nga Turqia:
“I dashur shtyp italian, shtypi turk ka qenë gjithmonë i keq me mua, por kjo nuk është asgjë e re! Por jo ju! Ju lutem mos bëni të njëjtin gabim duke kopjuar lajmet që vijnë nga Bosfori. A mendoni vërtet se po bredh nëpër klube me drogë gjatë një kohe kur policia po kryen hetime të gjera dhe po arreston shumë njerëz të famshëm? Nëse kjo do të ishte sadopak e vërtetë, nuk do të isha liruar kaq shpejt dhe nuk do të isha në gjendje të kthehesha kaq shpejt në Itali. Ju dua të gjithëve.”
