Artur Terziu, pronari i lokalit Barons, i cili ndodhej tek pallati gjashtë katësh ku humbën jetën dy persona nga tërmeti i 26 nëntorit është lënë i lirë nga Gjykata e Durrësit.
Terziu u arrestua pak ditë më parë nga Policia e Durrësit pasi prej shtatë muajsh ishte shpallur në kërkim pasi për të përfituar më shumë hapësirë në biznesin e tij kishte bere ndërhyrje ne strukturën pallat ne zonën e njohur si “Dy Gjelat”, ç’ka solli dhe shembjen e tij.
Por pavarësisht akuzës së ngritur nga Prokuroria, togat e zeza vendosën detyrim paraqitje, kjo për faktin se sipas ekspertizës, pallati ishte rrëzuar si rrjedhojë e punimeve jo cilësore.
Po ashtu Gjykata dha masën detyrim paraqitje dhe për Arben dhe Dëshira Qaton, pronarë të vila Palmës, të cilët ndodhen në spital.
Vendimi i Gjykatës u kontestua nga ana e organit të akuzës, të cilët e kanë ankimuar çështjen në Apel.
