Seanca plenare e kësaj të hëne është mbyllur brenda pak minutash.
Kjo për shkak se opozita edhe këtë herë, ndezi tymuese dhe flakadanë gjatë seancës, si dhe godisnin me duar tavolinën për të penguar fjalën e deputetëve.
Për këto veprime, kryeparlamentarja Lindita Nikolla përjashtoi deputetin e PD Flamur Noka.
Tensionet sot u shënuan që para nisjes së seancës plenare, kur deputetët e opozitës u përplasën me Gardën. Këta të fundit tentuan të ndalonin hyrjen e deputetëve në Kuvend, pa u kontrolluar për të shmangur pikërisht kaosin, gjë e cila nuk u arrit. /vizionplus.tv
