“Twitter” censuron shkrime që denigrojnë figurën e kandidatit për president, Joe Biden, por nuk vepron njësoj me Presidentin e SHBA, Donald Trump.
Ky është pretendimi që ngriti Senatori i Texas, Ted Cruz gjatë një seance ballafaqimi që pati të mërkurën me CEO-n e “Twitter”, Jac Dorsey. Ted Cruz e akuzoi rrjetin social se ka censuruar një shkrim të “New York Post, që nxjerr anën e dobët të Joe Biden dhe bën publik skandalin e djalit të tij, Hunter Biden.
Dorsey shpjegoi se kjo vinte për shkak të një politike që ka “Twitter” për materialet që nuk janë të verifikuara, sepse historitë për Hunter Biden janë të bazuara tek një email që del nga laptopi tij.
Por Cruz u kundërpërgjigj duke deklaruar se nuk veprohet njësoj me shkrimet për Presidentin e SHBA, Donald Trump. Si shembull ai mori një artikull të “New York Times” për taksat për Trump. “Twitter” nuk e ka bllokuar këtë shkrim, sipas Senatorit, edhe pse materialet kanë rrjedhur në mënyrë të paligjshme.
“Z. Dorsey, kush dreqin ju zgjodhi juve dhe ju vuri në krye të atij rrjeti social?”, pyeti Cruz.
Dorsey pretendoi se nuk është kështu. Ai gjithashtu mohoi që “Twitter” ka aftësinë për të ndikuar në zgjedhje, një pretendim që Cruz e quajti absurd.
“Ju po thoni tani që “Twitter”, kur hesht njerëzit, kur censuron njerëzit, kur bllokon fjalimin politik, kjo nuk ka asnjë ndikim në zgjedhje? Nëse nuk mendoni se keni fuqinë për të ndikuar në zgjedhje, pse i bllokoni gjërat?”, pyeti sërish Cruz.
CEO i “Twitter” deklaroi se njerëzit kanë edhe kanale të tjera komunikimi.
“New York Post” i zbuloi një skandal në Ukrainnë Hunter Biden. Në kompjuterin e Hunter Biden janë gjetur disa emaile që vërtetojnë se në vitin 2015 ai prezantoi babanë e tij, atëherë zëvendës president në administratën e Obamës, me një ekzekutiv të lartë në kompaninë ukrainase të energjisë “Burisma” pasi Hunter u bashkua me bordin e kompanisë. Hunter paguhej deri në 50,000 dollarë në muaj dhe pretendohet se ndikoi me sukses tek babai i tij për të bërë presion ndaj zyrtarëve të qeverisë së Ukrainës për të shkarkuar një prokuror që po hetonte kompaninë.
Jack Dorsey of Twitter just told Senator Cruz that anyone could now share the NY Post’s bombshell stories on Twitter.
Dorsey is lying.
Twitter is STILL blocking the URL for the NY Post story about the Biden’s foreign corruption & China dealings. pic.twitter.com/1jiJWwhZCt
— Abigail Marone 🇺🇸 (@abigailmarone) October 28, 2020
