Turqia po shqyrton hapjen e kufijve me Armeninë

Turqia po shqyrton mundësinë e hapjes së kufijve tokësorë me Armeninë gjatë gjashtë muajve të ardhshëm, duke hequr kështu kufirin e fundit të mbyllur në Evropë që nga Lufta e Ftohtë dhe duke hapur rrugën për ringjalljen e tregtisë në Kaukaz.

Turqia mbylli kufijtë në vitin 1993 si shenjë solidariteti me aleatin e saj, Azerbajxhanin, gjatë luftës me Armeninë për Nagorno-Karabakun.

Zona malore pa dalje në det në Kaukazin Jugor u shkëput nga Azerbajxhani menjëherë pas shembjes së Bashkimit Sovjetik, duke shkaktuar dekada konfliktesh. Më herët këtë vit, Presidenti i SHBA-së, Donald Trump, nënshkroi një deklaratë të përbashkët paqeje me liderët e Armenisë dhe Azerbajxhanit, duke synuar përfundimin e konfliktit.

Përparimi diplomatik me Azerbajxhanin dhe ri-hapja e kufijve me Turqinë do t’i japë një shtysë të rëndësishme Kryeministrit të Armenisë, Nikol Pashinyan, i cili do të marrë pjesë në zgjedhjet e qershorit.

Nëse fiton një mandat të ri, Presidenti i Azerbajxhanit, Ilham Aliyev, mund të bashkëpunojë me Pashinyanin dhe të formalizojë një marrëveshje paqeje, sipas burimeve të njohur drejtpërdrejt me afërsimin e marrëdhënieve mes dy vendeve. Vetëm pas kësaj, Turqia mund të emërojë ambasador në Armeni për të rikthyer marrëdhëniet diplomatike, raportuan burimet.