Turqia dhe forcat kurde po akuzojnë njëra-tjetrën se po shkelin marrëveshjen e përkohshme të armëpushimi në veri të Sirisë.
SHBA njoftoi të enjten se kishte ndërmjetësuar një pauzë pesë-ditore në luftimet me qëllim tërheqjen e forcave kurde.
Turqia i shikon forcat kurde si grupe terroriste dhe dëshiron të krijojë një “zonë të sigurt” për kufirin e saj.
Megjithë armëpushimin, disa episode sporadike të luftimeve mes dy forcave kanë vazhduar dhe veçanërisht në qytetit kufitar Ras-al-Ain.
Të Shtunën, Presidenti turk Rexhep Tajip Erdogan u zotua se Turqia do të “shtypte kokat” e luftëtarëve kurd nëse ata nuk tërhiqeshin nga zona e sigurisë brenda 120 orëve të armëpushimit.
Ministria e mbrojtjes e Turqisë akuzoi forcat kurde për kryerjen e 14 sulmeve “provokuese” në 36 orët e fundit, kryesisht në qytet, ndërsa këmbënguli që forcat turke po respektonin plotësisht marrëveshjen.
Sidoqoftë, Forcat Demokratike Siriane (SDF) të udhëhequra nga kurdët kanë akuzuar Turqinë për shkeljen e armëpushimit.
Ata gjithashtu akuzojnë trupat turke për dështimin e krijimit të një korridori të sigurt për evakuimin e civilëve dhe njerëzve të plagosur nga qyteti i rrethuar.
Të Shtunën SDF i kërkoi Nënkryetarit të SHBA Mike Pence, i cili ndihmoi ndërmjetësimin e armëpushimit, që t’i bëjë presion Turqisë për të lejuar kalimin e civilëve.
