Turqi, kapet mbi një ton drogë, vinte nga Shqipëria

1.1 ton drogë shqiptare është sekuestruar në Bodrum të Turqisë ndërsa 11 persona janë arrestuar. Sipas mediave turke kreu i bandës njihej me nofkën “Met shqiptari”, ai konsiderohet si një prej bosëve më të mëdhenj te hashashit.

Met Kanani u arrestua teksa mbikëqyrte ardhjen e ngarkesës nga brigjet shqiptare. Vlera në treg e sasisë së kapur të drogës arrinte deri në 5.2 milionë euro.

Sipas raporteve të policisë lënda narkotike mbërrinte ne Turqi nga brigjet shqiptare. Ajo shpërndahej më tej në vende të ndryshme të Europës.

Operacioni i quajtur “Rruga e Ballkanit” ka zgjatur 6 muaj dhe u krye në bazë të informacioneve të ardhura nga pala shqiptare dhe ajo greke. Ndërkohë ne muajin nëntor te vitit te kaluar te njëjtit grup iu sekuestrua 1.3 ton droge e llojit kanabis qe gjithashtu ishte nisur nga Shqipëria.