Nga studioja e “Quo Vadis”, Ervin Resuli, nga Shoqata e Fermerëve, e konsideroi absurd faktin që Shqipëria i kërkon grurë Serbisë.
Ai u shpreh se fermerët kanë dalë në rrugë për të protestuar që prej vitit 2019, dhe shkak, sipas tij, është “arroganca e Ramës”, i cili nuk pranon të ulet e të diskutojë për të gjetur një zgjidhje.
“Jemi të detyruar të dalim në rrugë falë arrogancës së Kryeministrit. Fermerët janë në rrugë që prej vitit 2019 për arsye të çmimeve dhe skemave mjerane. Të shkosh sot, të ulesh me Vuçiç apo përfaqësues të Serbisë, t’iu kërkosh grurë e misër për popullatën, ndërkohë që fermerët e tu janë këtu me ty, të shohin ty, dhe ti nuk pranon të ulesh me ata, nuk e di çfarë ti them kësaj. Kujt i kërkon grurë në Serbi, kur tokat i ke djerrë, kur të ikin në Greqi, kur të ikin në Itali.”
Duke folur për rritjen e çmimeve të energjisë dhe produkteve bazë të shportës, Arben Shkodra u shpreh se Rama ka nxjerrë jashtë loje Parlamentin.
“Duhet të bëni një hap prapa. Ka nxjerrë jashtë funksionit Parlamentin. Kushtetuta i ka parashikuar qartazi aktet normative se kur ndodhin. Keni pasur edhe tërheqje veshi edhe nga faktori ndërkombëtar për aktet normative. Nuk është hera e para apo e dytë. Kur dolëm në deklarata në nëntor-dhjetor për energjinë elektrike dhe i thamë që ditë më të këqija do të vijnë.”
