Hapje e negociatave per Shqipërinë dhe Maqedoninë e Veriut është kthyer në debat të fortë për klasen politike në Greqi.
Kreu i opozitës , ish-kryeministri Aleksis Cipras ka akuzuar kreun e qeverisë greke Kiriakos Micotakis se nuk ka votuar pro hapjes së negociatave në Samitin e Brukselit.
Gjithashtu sipas tij edhe eurodeputetët grekë të partisë që ai drejton Demokracia e Re nuk i kanë dhënë dritën jeshile rezolutës së miratuar në Parlamentin Europian të enjten për negociatat.
ALEXIS TSIPRAS
KRYETAR I PARTISE, SYRIZA
Kryeministri grek Kiriakos Micotakis abstenoi në debatin vendimtar në Samitin e Brukselit, ku doli që Danimarka dhe Holanda kishin një rol dhe një fjalim më të rëndësishëm në Ballkan sesa Greqia. Deputetët e rinj të partisë Demokracia e Re abstenuan në votimin në Parlamentin Evropian për rrugën e pranimit të vendeve të Ballkanit Perëndimor.
Perfaqesuesi i qeverise nuk e mohoi abstenimin ne samititin e liderëve të bashkimit europian në Bruksel.
STELIOS PECAS
ZEDHENES I QEVERISE GREKE
Demokracia e Re nuk pajtohet me asnjë tekst që nuk adreson në mënyrë të qartë detyrimet e vendeve të Ballkanit Perëndimor, përfshirë mbrojtjen e të drejtave të Minoritetit Kombëtar Grek në Shqipëri. Për zotin Tsipras këto janë të parëndësishme, por jo për grekët. Kjo është arsyeja pse edhe deputetët e Partise Demokracia e Re abstenuan.
Dy ditë më parë kryeministri grek Kiriakos Micotakis deklaroi nga selaniku se qëndrimi i greqisë në samitin liderëve të BE ishte pro hapjes së negociatave për të dyja vendet.