Pasditen e kësaj të mërkure arkmorti me trupin e 35-vjeçarit Kostandinos Kacifas ka mbërritur në shtëpinë e tij në Bularat.
Sipas informacioneve mësohet se Kaçifas ishte i veshur si ushtarak, ndërsa arkivoli ishte mbuluar me flamurin grek. Trupi i tij është pritur nga banorët e fshatit, familjarët dhe të afërmit kanë shpërthyer në lotë teksa automjeti erdhi në qendër të fshatit.
Ndërkohë të enjten në orën 13:00 do të zhvillohet ceremonia e varrimit, ndësa më herët do të ketë edhe një meshë në Kishën e Shën Athanasiut.
35-vjeçari është qëlluar me 28 tetor pas shkëmbimit të zjarrit me forcat RENEA.
