Presidenti i Shteteve të Bashkuara të Amerikës, Donald Trump, ka mbërritur në Europë, për herë të dytë brenda një jave. Air Force One u ul në aeroportin e Paris Orly, në jug të qendrës së qytetit, mëngjesin e kësaj të enjteje. Trump do të zhvillojë takime në rezidencën e ambasadorit amerikan përpara se të takohet me presidentin francez Emmanuel Macron.
Qëllimi i vizitës së Trump në Francë synon të krijojë një nisje të re të marrëdhënieve mes dy vendeve mbi klimën dhe tregtinë, edhe pse SHBA-ja ishte i vetmi vend, i cili nuk firmosi deklaratën e përbashkët per pjesën e klimës në samitin e G20 që u mbajt rreth një javë më pare në Hamburg të Gjermanisë. Presidenti FRANCEZ shpreson që ky takim të shërbejë si një urë mes SHBA-ve dhe Europes.
Trump ishte pak ditë më parë, në samitin e G20-tës që u mbajt në Hamburg të Gjermanisë, ku u me presidentin rus Vladimir Putin e me disa liderë të vendeve më të zhvilluara ekonomikisht. Vizita dy ditore e Trump në Europë, vjen në një kohë që Shtëpia e Bardhë është përfshirë në një krizë për shkak të takimit të djalit të tij me një avokat rus gjatë fushatës presidenciale.
Nga ana tjetër, kancelarja gjermane Angela Merkel ka zhvilluar një takim me presidentin francez në Francë. Ata pritet të kryesojnë seancën e përbashkët të qeverive të vendeve të tyre për angazhimin në luftën kundër terrorizmit.
