Donald Trump dhe marrëdhënia e tij me median vazhdon të jetë e tensionuar. Presidenti amerikan për të dytin vit radhazi refuzoi të marrë pjesë në darkën e korrespodentëve të Shtëpisë së Bardhë. Darka e cila organizohet çdo vit, këtë herë priti më shumë se 3 mijë të ftuar.
Trump është i pari president që anashkalon një event të tillë pas Ronald Regan 37 vjet më pare. Por mungesa e Regan ishte mëse e justifikuar pasi po merrte veten nga plumbi që kishte marrë në një tentativë vrasjeje. Trump nuk mundi t’i shpëtonte kritikave dhe ironisë.
Drejtuesja e mbrëmjes, komediania Michelle Wolf nuk ngurroi të sillte në qendër të vëmendjes skandalin me aktoren Stormy Daniels, ryshfetin 130 mijë dollarësh të avokatit të presidentit si dhe vuri në lojë vajzën e Trump, Ivanka duke e akuzuar sigurisht me gjuhën e ironisë se nuk i ka përfaqësuar aspak të drejtat e grave.
Nga ironia nuk u kursyen as pjesëtarët e administratës Trump të cilët morën pjesë në këtë event. Eventi prestigjioz tërhoqi fitues të çmimit Oscar dhe të tjerë emra të njohur të kinematografisë dhe televizionit
