Trump: Gratë u paguan, paratë nuk ishin të fushatës elektorale
Presidenti amerikan Donald Trump ka deklaruar se pagesat për dy grate i ka kryer vetë personalisht dhe nuk ishin para nga fushata e zgjedhjeve presidenciale e vitit 2016.
Në një intervistë televizive për Fox News, ai ka mohuar përdorimin e financave të fushatës për të bërë pagesa për dy grate që dyshohet se kanë pasur marrëdhënie me presidentin amerikan. Intervista e plotë me Trump do të transmetohet të enjten por në një fragment të shkëputur kreu I shtëpisë së bardhë iu përgjigj pyetjes rreth ‘pagesave për të heshtur’ duke këmbëngulur se ato nuk ishin “një shkelje e fushatës”.
“Më vonë mësova për pagesat. Ka një ndryshim shumë të madh, ato para nuk erdhën nga fushata, paratë u paguan prej meje dhe unë kam shkruar në twetter për këtë.”
Një ditë më parë ish-avokati i tij, Michael Cohen, u shpall fajtor për shkelje të ligjit lidhur dhe me skandalin e pagimit të grave në këmbim të heshtjes..
Deklarata e trump vjen në kundërshtim me ato çka ish avokati I tij Cohen tha përpara gjykatës federale, se pagesat për dy gratë kishin qëllimin kryesor për të ndikuar në zgjedhjen e Trumpit dhe se ishte kandidati presidencial që e urdhëroi ta bënte këtë.
Ndërkohë Zëdhënësja e Shtëpisë së Bardhë Sarah Sanders gjatë një conference përpara gazetarëve, tha disa herë se presidenti nuk kishte bërë asgjë të gabuar dhe se kjo është një akuzë qesharake.
