Presidenti i SHBA, Donald Trump, i ka kërkuar Arabisë Saudite të rrisë ndjeshëm prodhimin e naftës për të luftuar koston në rritje të karburantit.
Shefi i shtëpisë se bardhe me anë të një postimi në twitter i kërkoi Mbretit Salman që te çojë prodhimin e naftës deri në dy milionë fuçi në ditë.
Sipas tij këto masa janë të nevojshme për shkak të “trazirave dhe anomalisë në Iran dhe Venezuelë”.
Gjithashtu Agjencia e Shtypit të Arabisë Saudite konfirmoi se Presidenti Trump dhe Mbreti Salman kishin biseduar me telefon me qëllim ruajtjen e stabilitetit në tregut e naftës.
Çmimet u rritën javën e kaluar, pjesërisht për shkak të planeve të SHBA.-së për të rivendosur sanksionet ndaj Iranit, një prodhues i madh i naftës.
Arabia Saudite është eksportuesi më i madh në botë i naftës dhe vetëm në muajin maj prodhoi rreth 10 milionë fuçi në ditë.
