Dua Lipa ka udhëtuar drejt Kilit për xhirimin e një reklame të re. Por ky udhëtim që duhet të ishte një miks pune dhe argëtimi është kthyer në tmerr për këngëtaren shqiptare.
Fansat e këngëtares kanë thyer sigurinë e saj duke hyrë në në hotelin e saj pesë yje Ritz-Carlton në Santiago për ta pritur jashtë derës së dhomës së saj.
Këngëtarja shqiptare, aktualisht një nga emrat më në zë të muzikës në gjithë botën, nuk kishte ide se udhëtimi i saj do të merrte këtë kthesë. Fansat arritën të hynë jo vetëm në katin e saj, por edhe në zonën pranë ashensorëve, duke krijuar kaos për ekipin e saj.
Sipas The Sun, situata u përkeqësua shpejt ndërsa lajmi i mbërritjes së Dua Lipes u përhap.
Masat e sigurisë ishin raportuar të jenë të pamjaftueshme për të përballuar fluksin e fansave që po përpiqeshin të afrohen me të.
Ekipi i saj veproi shpejt, duke shtuar masat e sigurisë në hotel dhe duke bërë kontrolle shtesë.
Dua, e tronditur natyrisht, vendosi të mos bëjë fotografi brenda hotelit për të shmangur tërheqjen e më shumë vëmendjes.
Dua Lipa meeting fans at her hotel in Chile last night! (via iamcxrla) pic.twitter.com/aYv0TfxaJ9
— Dua Lipa News (@dlipanews) January 19, 2025
Për fat të keq, kjo nuk ishte hera e parë që Dua përballej me fansa që kalonin kufirin. Në qershor, ajo pati një problem të ngjashëm kur një përdorues i TikTok-ut arriti të futej në hapësirën e provave të saj në Birmingham, disa ditë para performancës së saj në Glastonbury Festival. Ndërkohë që ekipi i saj e menaxhoi shpejt atë situatë, ajo ishte një kujtesë e fortë për sfidat që vijnë me famën.
/vizionplus.tv
