Atentat terrorist ndaj drejtësisë e quajti Këshilli i Lartë i Prokurorisë sulmin me tritol ndaj prokurorit Arjan Muça. Përmes një reagimi për mediat, KLP kërkoi hetimin dhe zbardhjen sa më parë të ngjarjes.

 

“Në pritje të përfundimit të hetimit, të cilit e presim me padurim, ajo që ka ndodhur dje mbrëmë në Tiranë duket si një sulm i shënjestruar ndaj prokurorit për shkak të funksionit të tij. Si i tillë, ky sulm përbën një akt të papranueshëm që synon të intimidojë prokurorin dhe të cënojë mirëfunksionimin e sistemit të drejtësisë penale në luftën kundër krimit. Këshilli i Lartë i Prokurorisë e konsideron çdo sulm kundër prokurorëve si një atentat terrorist ndaj sistemit të drejtësisë penale, rendit tonë juridik, vlerave tona shoqërore dhe mënyrës tonë të jetesës. Gjithashtu, Këshilli iu bën thirrje të gjitha organeve ligj zbatuese të hetojnë me këmbëngulje dhe përparësi absolute ngjarjen e sotme për të arritur në zbardhjen e saj të plotë dhe të shpejtë. Kjo është mënyra më e mirë për t’i dhënë përgjigjen e duhur krimit dhe për të parandaluar ngjarje të tilla në të ardhmen.”

 

Mjeti tip “Benz” i prokurorit Muça shpërtheu mbrëmjen e të enjtes në zonën e “Komunës së Parisit”, në Tiranë pas vendosjes së një sasie tritoli. Nga shpërthimi nuk pati të lënduar, ndërsa ende nuk dihet nëse atentati ishte për Arjan Muçën apo bashkëshorten e tij gjyqtare.

 

 

Leave a Reply

Your email address will not be published. Required fields are marked *