Tritan Shehu: Gjirokastra e paralizuar, vetëm një mjet pastrues, turp!
Deputeti i PD, Tritan Shehu deklaroi se Qarku i Gjirokastrës është drejt paralizimit të plotë nga reshjet e dëborës.
Në një postim në “Facebook”, Shehu akuzoi shtabin e emergjencës dhe policinë e nuk kanë marrë asnjë masë.
Sipas tij rruga nacionale nga Memaliaj në Qafë Muzinë është pothuajse e pakomunikueshme, ndërsa theksoi se 30 fshatra janë bllokuar.
“Qarku i Gjirokastres drejt i bllokimit e paralizimit te plote. Strukturat shteterore pergjegjese jane inekzistente! Shtabi i emergjences as qe degjohet apo ndjehet! Policia nuk ben asnje komunikim, njoftim apo paralajmerim per qytetaret e udhetaret. Rruga nacinale nga Memaliaj ne Qafe Muzine pothuajse e pa komunikueshme, me nje nivel te bores prej reth 35 cm. Po keshtu dhe drejtimi per Permet. Per komedi vetem nje mjet i vogel pastrues duket diku, ndersa situata kerkon reagime e masa energjike. 30 grupe te tera fshatrash si Zagorise, Lopesi, Kurveleshit, Pogonit, Frasherit etj, jane te bllokuara dhe askush nuk interesohet. As edhe nje mase apo keshille per blegtorine e ketij Qarku, e cila po kalon momente shume te veshtira. Dhe bora po vazhdon te bjere, ndersa mungojne krejtesisht reagimet perkatese stabilizuese. Po kush t’i realizoje keto, nje Qeverisje ne shkermoqe si kjo…!?”
