Në punishten e shkollës së mesme të ndërtimit “Karl Gega” në kryeqytet, zhurma e veglave tregon se një nga zanatet më të vjetra vijon të jetojë.
Mes nxënësve është edhe Luçiano, i cili ka vendosur të ndjekë gjurmën e familjes së tij.
“Unë vij nga një familje marangozësh. Gyjshi im ka qenë marangoz. Babi im po ashtu ka studiuar për marangoz, si në shqipëri edhe jashtë. Kemi patur një punishte tonën, kur isha i vogël, por koha erdhi që punishten e mbyllëm. Por, kur erdhi koha që të zgjidhja arsimin e mesëm, thashë të zgjedh profesionalen të zgjedh këtë zanat që të vijojë tradita e familjes”, tha Luçiano.
Edhe pse familja nuk e ka nxitur për këtë zgjedhje, pasioni ka qenë udhëheqje për të. Sic thotë dhe vetë, përpunimi I drurit është më shumë sesa një zanat, është mënyrë për të krijuar art.
“Familjarët e mi nuk është se e kishiin me qejf këtë arsim professional sepse nuk donin të vazhdonim këtë ttraditë, por unë dua ta vazhdoj sepse më pëlqen si zanat si punë, që nga veglat që janë , punimet arti që bëjmë”, shtoi ai.
Pavarësisht zhvillimeve teknologjike dhe frikës se inteligjenca artificiale mund të zëvendësojë disa profesione, ai është i bindur se zanatet që kërkojnë mjeshtëri nuk mund të zëvendësohen.
“Unë në të ardhmen shpresonj ë kem një punishte timen, që të bëj atë që dua unë mund të krijoj vepra arti shumë të bukura, dhe mund të bëj nnjë punë të bukur këtu në shqipëri.
Kjo është një punë shumë e bukur që jo cdokush mund ta bëj kështuqë unë them se kjo punë do të vazhdojë këtu edhe me mijëra vite të tjera sepse është dicka që ndoshta tani thonë që poi u merr punët AI por AI nuk e bën dot këtë punë.
Do të ketë një treg shumë të madh këtu në shqipëri duke marrë parsysh ndërtimet që po bëhen, banesat cdo shtëpi, cdo kat, cdo pallat ka nevojë për mobilje e këtto duan mirëmbajtje, ndaj kjo do të jetë një punë do të vazhdojë normalisht edhe në të ardhmen”, tha Luçiano.
Interesi për këto profesione ka qenë vazhdimisht në renie. Aktualisht janë 48 nxënës që kanë zgjedhur drejtimin e përpunimit të drurit në këtë shkollë. Kjo e fundit ofron disa drejtime si: Ndërtim, Gjeodezi, Termohidraulikë, përpunim druri, Shërbime mjete transporti, mekanik./vizionplus.tv
